Биржалық сауда және кәсіпкерлік
Қазақстан Республикасы Премьер-Министрінің 2025 жылғы 17 қаңтардағы № 10-ө өкімімен биржалық сауда және кәсіпкерлік саласында 2025 жылғы ақпанда қабылданатын нормативтік құқықтық актілердің тізбесі бекітілді:
«Қазақстан Республикасының Бәсекелестікті қорғау және дамыту агенттігінің кейбір мәселелері туралы» Қазақстан Республикасы Президентінің 2020 жылғы 5 қазандағы № 428 Жарлығына өзгерістер мен толықтырулар енгізу туралы» Қазақстан Республикасы Президентінің Жарлығы;
«Әлеуметтік маңызы бар биржалық тауарлардың тізбесіне енгізілген биржалық тауарлармен сауданы жүзеге асыратын тауар биржаларын конкурстық негізде айқындау және оларға өлшемшарттар белгілеу туралы» Қазақстан Республикасы Үкіметінің қаулысы;
«Қазақстан Республикасы Сыртқы істер министрлігінің мәселелері туралы» Қазақстан Республикасы Үкіметінің 2004 жылғы 28 қазандағы № 1118 қаулысына өзгерістер мен толықтырулар енгізу туралы» Қазақстан Республикасы Үкіметінің қаулысы;
«Қазақстан Республикасы Ауыл шаруашылығы министрлігінің кейбір мәселелері туралы» Қазақстан Республикасы Үкіметінің 2005 жылғы 6 сәуірдегі № 310 қаулысына өзгерістер мен толықтырулар енгізу туралы» Қазақстан Республикасы Үкіметінің қаулысы;
«Қазақстан Республикасы Энергетика министрлігінің мәселелері» Қазақстан Республикасы Үкіметінің 2014 жылғы 19 қыркүйектегі № 994 қаулысына өзгерістер мен толықтырулар енгізу туралы» Қазақстан Республикасы Үкіметінің қаулысы;
«Қазақстан Республикасы Экология және табиғи ресурстар министрлігінің мәселелері» Қазақстан Республикасы Үкіметінің 2019 жылғы 5 шілдедегі № 479 қаулысына өзгерістер мен толықтырулар енгізу туралы» Қазақстан Республикасы Үкіметінің қаулысы;
«Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» Қазақстан Республикасы Президентінің 2019 жылғы 17 маусымдағы № 17 және 2019 жылғы 1 шілдедегі № 46 Жарлықтарын іске асыру жөніндегі шаралар туралы» Қазақстан Республикасы Үкіметінің 2019 жылғы 10 шілдедегі № 497 қаулысына өзгерістер мен толықтырулар енгізу туралы» Қазақстан Республикасы Үкіметінің қаулысы;
«Қазақстан Республикасы Өнеркәсіп және құрылыс министрлігінің кейбір мәселелері туралы» Қазақстан Республикасы Үкіметінің 2023 жылғы 4 қазандағы № 864 қаулысына өзгерістер мен толықтырулар енгізу туралы» Қазақстан Республикасы Үкіметінің қаулысы;
«Электрондық сауда алаңдарында тауарларды, жұмыстар мен көрсетілетін қызметтерді сатып алуды жүргізу қағидаларын бекіту туралы» Қазақстан Республикасы Сауда және интеграция министрінің бұйрығы;
«Резервтік және кепілдік беру қорларын қалыптастыру және пайдалану қағидаларын бекіту туралы» Қазақстан Республикасы Сауда және интеграция министрінің бұйрығы;
«Әлеуметтік маңызы бар биржалық тауарлардың тізбесін бекіту туралы» Қазақстан Республикасы Сауда және интеграция министрінің бұйрығы;
«Биржалық тауарлар тізіміне тауарларды қосу қағидаларын бекіту туралы» Қазақстан Республикасы Сауда және интеграция министрінің бұйрығы;
«Тауар биржасының мүшелері үшін кіру жарналарының, биржалық сауда-саттыққа қатысқаны үшін төлемдердің және брокерлер комиссияларының ең жоғары мөлшерін белгілеу тәртібін бекіту туралы» Қазақстан Республикасы Сауда және интеграция министрінің бұйрығы;
«Биржалық тауарлардың тізбесін бекіту туралы» Қазақстан Республикасы Ұлттық экономика министрінің 2015 жылғы 26 ақпандағы № 142 бұйрығына өзгерістер мен толықтырулар енгізу туралы» Қазақстан Республикасы Сауда және интеграция министрінің бұйрығы;
«Инвесторлар тізілімін қалыптастыру, жүргізу мен пайдалану қағидаларын бекіту туралы» Қазақстан Республикасы Сыртқы істер министрінің бұйрығы;
«Биржа саудасының қағидаларын бекіту туралы» Қазақстан Республикасы Ұлттық экономика министрінің міндетін атқарушысының 2015 жылғы 30 наурыздағы № 280 бұйрығына өзгерістер мен толықтырулар енгізу туралы» Қазақстан Республикасы Сауда және интеграция министрінің бұйрығы;
«Тауар биржалары мәмілелері бойынша клирингтік қызметті жүзеге асыру қағидаларын және Тауар биржасы клирингтік орталығының аппараттық-бағдарламалық кешеніне қойылатын талаптарды бекіту туралы» Қазақстан Республикасы Ұлттық экономика министрінің міндетін атқарушының 2015 жылғы 25 қарашадағы № 729 бұйрығына өзгерістер мен толықтырулар енгізу туралы» Қазақстан Республикасы Сауда және интеграция министрінің бұйрығы;
«Қазақстан Республикасының тауар биржалары туралы заңнамасының сақталуының тәуекел дәрежесін бағалау өлшемшарттарын және тексеру парағын бекіту туралы» Қазақстан Республикасы Ұлттық экономика министрінің 2016 жылғы 5 наурыздағы № 128 бұйрығына өзгерістер мен толықтырулар енгізу туралы» Қазақстан Республикасы Сауда және интеграция министрінің бұйрығы және Қазақстан Республикасы Ұлттық экономика министрінің бұйрығы;
«Табиғи монополиялар субъектілерінің қызметін жүзеге асыру қағидаларын бекіту туралы» Қазақстан Республикасы Ұлттық экономика министрінің 2019 жылғы 13 тамыздағы № 73 бұйрығына өзгерістер мен толықтырулар енгізу туралы» Қазақстан Республикасы Ұлттық экономика министрінің бұйрығы;
«Тауар биржаларының қызметіне қойылатын біліктілік талаптарын және оларға сәйкестікті растайтын құжаттардың тізбесін бекіту туралы» Қазақстан Республикасы Сауда және интеграция министрінің 2019 жылғы 3 қыркүйектегі № 31 бұйрығына өзгерістер мен толықтырулар енгізу туралы» Қазақстан Республикасы Сауда және интеграция министрінің бұйрығы;
«Монополиялық тұрғыдан жоғары (төмен) деп танылмайтын тауар биржаларында және электрондық сауда алаңдарында тиісінше өткізілген сауда-саттық барысында қалыптасқан биржалық тауарлардың бағасын айқындау қағидаларын бекіту туралы» Қазақстан Республикасы Ұлттық экономика министрінің 2019 жылғы 18 желтоқсандағы № 94 бұйрығына өзгерістер мен толықтырулар енгізу туралы» Қазақстан Республикасы Бәсекелестікті қорғау және дамыту агенттігі төрағасының бұйрығы;
«Мемлекеттік көрсетілетін қызметтер тізілімін бекіту туралы» Қазақстан Республикасының Цифрлық даму, инновациялар және аэроғарыш өнеркәсібі министрінің міндетін атқарушының 2020 жылғы 31 қаңтардағы № 39/НҚ бұйрығына өзгерістер мен толықтырулар енгізу туралы» Қазақстан Республикасының Цифрлық даму, инновациялар және аэроғарыш өнеркәсібі министрі;
«Тауар биржасының монополияға қарсы органға есептерді ұсыну қағидаларын бекіту туралы» Қазақстан Республикасы Бәсекелестікті қорғау және дамыту агенттігі төрағасының 2021 жылғы 31 наурыздағы № 5 бұйрығына өзгерістер мен толықтырулар енгізу туралы» Қазақстан Республикасы Бәсекелестікті қорғау және дамыту агенттігі төрағасының бұйрығы;
«Тауар биржалары қызметімен айналысу құқығына лицензия беру» мемлекеттік қызмет көрсету қағидаларын бекіту туралы» Қазақстан Республикасының Бәсекелестікті қорғау және дамыту агенттігі төрағасының 2021 жылғы 2 сәуірдегі № 6 бұйрығына өзгерістер мен толықтырулар енгізу туралы» Қазақстан Республикасы Бәсекелестікті қорғау және дамыту агенттігі төрағасының бұйрығы;
«Қаржы мониторингі субъектілерінің қаржы мониторингіне жататын операциялар туралы мәліметтер мен ақпаратты беру қағидаларын және күдікті операцияны айқындау белгілерін бекіту туралы» Қазақстан Республикасы Қаржылық мониторинг агенттігі төрағасының 2022 жылғы 22 ақпандағы № 13 бұйрығына өзгерістер мен толықтырулар енгізу туралы» Қазақстан Республикасы Қаржылық мониторинг агенттігі төрағасының бұйрығы;
«Тауар биржасы үшін қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл жасау мақсатында ішкі бақылау қағидаларына қойылатын талаптарды бекіту туралы» Қазақстан Республикасы Қаржылық мониторинг агенттігі төрағасының 2022 жылғы 28 ақпандағы № 16 және Қазақстан Республикасы Бәсекелестікті қорғау және дамыту агенттігі төрағасының 2022 жылғы 28 ақпандағы № 2 бірлескен бұйрығына өзгерістер мен толықтырулар енгізу туралы» Қазақстан Республикасы Қаржылық мониторинг агенттігі төрағасының және Қазақстан Республикасы Бәсекелестікті қорғау және дамыту агенттігі төрағасының бірлескен бұйрығы;
«Прокурорлық қадағалауды ұйымдастырудың кейбір мәселелері туралы» Қазақстан Республикасы Бас Прокурорының 2023 жылғы 17 қаңтардағы № 32 бұйрығына өзгерістер мен толықтырулар енгізу туралы» Қазақстан Республикасы Бас Прокурорының бұйрығы;
«Кепілдік беру және сақтандыру қорларын қалыптастыру және пайдалану қағидаларын бекiту туралы» Қазақстан Республикасы Ұлттық экономика министрінің міндетін атқарушының 2015 жылғы 27 наурыздағы № 251 бұйрығының күші жойылды деп тану туралы Қазақстан Республикасы Сауда және интеграция министрінің бұйрығы.
Білім
"Қазақстан Республикасының мектепке дейінгі, орта, техникалық және кәсіптік білім беруді дамытудың 2023 – 2029 жылдарға арналған тұжырымдамасын бекіту туралы" Қазақстан Республикасы Үкіметінің 2023 жылғы 28 наурыздағы № 249 қаулысына сәйкес Қазақстан Республикасының Білім министрлігі оқулықтар мен оқу-әдістемелік кешендерді сараптау қызметінің құнын қайта қарауға қатысты бұйрық әзірлеуді жоспарлап отыр.
Инвестициялық саясат
"Қазақстан Республикасының 2029 жылға дейінгі инвестициялық саясатының тұжырымдамасын бекіту туралы" Қазақстан Республикасы Үкіметінің 2024 жылғы 18 қазандағы № 868 қаулысын орындау үшін Қазақстан Республикасының Сыртқы істер министрлігі "Жасыл дәліз" тетігін құқықтық реттеуді қамтамасыз ету және оның әдістемесін жетілдіру жөніндегі бұйрықты әзірлейтін болады.
Денсаулық сақтау
"Денсаулық сақтау инфрақұрылымын дамытудың 2024 – 2030 жылдарға арналған тұжырымдамасын бекіту туралы" Қазақстан Республикасы Үкіметінің 2024 жылғы 12 маусымдағы № 454 қаулысына сәйкес Қазақстан Республикасының Денсаулық сақтау министрлігі жеке әріптесті айқындаудың және денсаулық сақтау саласындағы мемлекеттік-жекешелік әріптестік шартын жасасудың әдістемелік ұсынымдарын бекітетін болады.
Сондай-ақ денсаулық сақтау саласындағы инвестициялық жобаларды кадрлық қамтамасыз етуді жоспарлау және әкімшілендіру тетігін әзірлеу және енгізу туралы бұйрық қабылданатын болады.
Қызметтер мен инфрақұрылым объектілерінің қолжетімділігі
Қазақстан Республикасы Үкіметінің 2024 жылғы 30 желтоқсандағы № 1143 қаулысымен бекітілген Қазақстан Республикасындағы 2025 - 2030 жылдарға арналған инклюзивті саясат тұжырымдамасына сәйкес Қазақстан Республикасының Өнеркәсіп және құрылыс министрлігіне мүгедектігі бар адамдардың қажеттіліктерін ескере отырып, халық үшін қызметтер мен инфрақұрылым объектілерінің қолжетімділігін кеңейту туралы бұйрық әзірлеу тапсырылды.
Энергетикалық және коммуналдық секторларды жаңғырту
Қазақстан Республикасы Үкіметінің 2024 жылғы 25 желтоқсандағы № 1102 қаулысымен бекітілген" энергетикалық және коммуналдық секторларды жаңғырту " ұлттық жобасын іске асыру мақсатында Қазақстан Республикасының Өнеркәсіп және құрылыс министрлігі, Қазақстан Республикасының Энергетика министрлігі, Қазақстан Республикасының Ұлттық экономика министрлігі мердігерлерді немесе консорциумды іріктеу қағидалары мен өлшемшарттарын қабылдайтын болады.
